Qyzylorda oblysynda «Baǵdarjol» baǵdarlamasy tıimdi jumys jasaýda

QYZYLORDA. QazAqparat -Qyzylorda oblysynda 16700 gektar bolatyn 139 jer ýchaskesi ıgerilmegen jáne zańnama normalary buzylǵan. Bul týraly búgin Óńirlik kommýnıkatsııalar qyzmetinde ótken baspasóz konferentsııasynda oblystyq jerdiń paıdalanylýy men qorǵalýyn baqylaý basqarmasy basshysynyń orynbasary Qanatbek Serikbaev málimdedi, dep habarlady QazAqparat tilshisi.

«Jerdiń paıdalanylýy men qorǵalýyna qatysty «Baǵdarjol», «Jol kartasy» baǵdarlamasy jumys jasaýda. Búgingi tańda, maqsatty paıdalanylmaı, nysanaly maqsatyn buza otyryp paıdalanyp jatqan jáne memlekettik jerlerdi óz betinshe ıelengen jer ýchaskeleri bar. Osyndaı 83490 gektar jer ýchaskesine tekserýler jasalyp, nátıjesinde kólemi 17 755 gektar jer ýchaskesinde 330 zań buzýshylyq belgili boldy. Oryn alǵan quqyq buzýshylyqtardyń 156-na 19507,727 myń teńge kóleminde aıyppul salyndy. Jáne 88-ne eskertý sharasy qoldanyldy», - basqarma basshysynyń orynbasary.

Sonymen qatar, «Baǵdarjol» baǵdarlamasy boıynsha oblysta kólemi 19 gektar jer ýchaskesinde 6 zań buzýshylyq deregi anyqtaldy. Jer ýchaskelerinde búlingen jerlerdi qaıta qalpyna keltirý jumystary júrgizilip, zań buzýshylyqtar joıyldy.

Esterińizge sala keteıik, Memleket basshysy Ult jospary - bes ınstıtýtsıonaldyq reformany júzege asyrý jónindegi 100 naqty qadam eńbeginde jerdi paıdalanýǵa baılanysty naqty usynystaryn aıtty.  35-qadamda:  Aýylsharýashylyq jerlerin tıimdi paıdalaný maqsatymen olardy naryqtyq aınalymǵa engizý máselesin qoıdy. Sonymen birge jer kodeksine jáne basqa da zań aktilerine ózgerister engizýdi tapsyrdy.  Munan ózge 36-qadamda:  Jer telimderin maqsatty paıdalaný  túrin ózgertýge ruqsat alý rásimderin jeńildeti máselesin kóterdi. Aýylsharýashylyq jerlerin paıdalanýǵa turaqty túrde monıtorıng júrgizýdi tapsyryp, barlyq paıdalanylmaı jatqan jerdi aldaǵy ýaqytta   jekeshelendirý úshin memlekettik qorǵa berý kerektigin aıtqan bolatyn.