Qyzylorda oblysynda Azıada alaýyn alyp júretinderdiń esimderi belgili boldy
QYZYLORDA. 4 qańtar. QazAqparat /Jańagúl Serdaly/ - Ústimizdegi jylǵy 11 qańtarda Ál-Kýáıttegi Azııa Olımpıada keńesiniń shtab-páterinde jaǵylatyn XVII Azııa oıyndarynyń alaýy erteńine Almatyǵa jetkizilip, odan ári elimizdiń barlyq oblystaryn aralap ketetini belgili. Respýblıkamyzdyń qıyr-qıyryn 20 kún boıy aralap ótetin alaý estafetasy Syr óńirine de jetedi.
Qazir Qyzylorda oblysynda osy alaýdy alyp júgiretin baqytty jandardyń esimderi tolyq belgili boldy. Osy tizimge Mıhaıl Dmıtrıev, Sultan Ábenov, Pavel Kım, Natalıa Leptıkova, Andreı Kashechkın sekildi oblystan shyqqan sport ardagerlerimen birge, búgingi kúni sport arenalarynda atoı salyp júrgen Olga Egýnova, Gúlzıra Ysqaqova, Ómirjan Ábdirahmanov, Ásel Dálıeva syndy qyzylordalyq tanymal sportshylar da engizilgen. Bul qatarda sondaı-aq órtten jurtty qutqarǵan ójet jigit te, kókserkeni kótere shabatyn kókparshy da júr. Odan qaldy, alaýshylar sapynan Baqtııar Taılaqbaev, Jeńis Seıdollauly, Qudaıbergen Bekishev, Almas Kishkenbaev, Mádına Sádýaqasova, Ǵanı Quljanov sekildi ánshi-ártister de tabylady. Bir ǵajaby, bulardyń birde-biri qazir oblysta turmaıdy.
Onyń esesine, Qyzylorda sportyna aıryqsha eńbekteri sińgen, bazbiri halyqaralyq arenalarda oblysqa júldeler alyp bergen Ábil Qalymbetov, Tileýhen Turmaǵambetov, Jamal Bozova, Ǵalııa Ólmentaeva, Ermek Kóketov sııaqty osy kúnderi Qyzylorda qalasynda turatyn ardagerler men sportshylar umyt qalǵan.
