Qyzylorda oblysynda aıazǵa baılanysty eskertý jarııalandy
ASTANA. QazAqparat - TJK Qyzylorda oblysy boıynsha eskertý jarııalady, dep habarlady «QazAqparat» HAA.
«9 aqpanda Qyzylorda oblysynda túnde temperatýra 20-25 gradýsqa deıin kúrt tómendeıdi. Keı jerlerde 10-15 gradýs aıaz bolady», - dep habarlady komıtet saıtynda.
Eske salsaq, budan buryn habarlanǵandaı, 9-y kúndiz, 10 aqpan túnde Jambyl oblysynda ońtústik-batystan, batystan 15-20 m/s jyldamdyqpen jel soǵady, ekpini 23-28-ge jetedi, jeldiń kúshi ońtústik-batysta 30 m/s-qa deıin jetýi múmkin. Taýly, taý bókteri aýdandarynda qalyń qar túsip, keı jerlerde tuman, kóktaıǵaq bolady, boran soǵady.
Sondaı-aq 9, 10 aqpan túnde Qaraǵandy, Shyǵys Qazaqstan oblystarynda ońtústik-batystan, batystan 15-20 m/s jyldamdyqpen jel soǵyp, ekpini 23-28, keı jerlerde 30 m/s-qa jetetini eskertilgen.
