Qyzylorda oblysynda avtokólik tolyǵymen janyp ketti
QYZYLORDA. QazAqparat - Qyzylorda oblysynda «Wolksvagen golf» markaly avtokólik tolyǵymen janyp ketti, dep habarlaıdy QazAqparat tilshisi.
Oblystyq Polıtsııa departamentiniń málimetinshe, oqıǵa búgin, 4 qarashada saǵat 10.57 shamasynda Shıeli aýdany aýmaǵyndaǵy «Batys Eýropa – Batys Qytaı» tasjoly boıynda boldy. «Tekserý barysynda atalǵan avtokólik júrgizýshisi Qyzylordadan Shymkent qalasyna qaraı bet alyp bara jatqany anyqtaldy. Adam shyǵyny joq», - dep málim etti vedomstvodan.
Oblystyq Tótenshe jaǵdaılar departamentiniń mamandary órttiń shyǵý sebebi kóliktiń elektr symdarynyń qysqa tuıyqtalýynan bolǵanyn habarlady.
«1994 jyly shyqqan kólik tolyǵymen janyp ketti. Kólik júrgizýshisiniń qujattary da jaramsyz kúıge ushyrady», - dedi Qyzylorda oblystyq Tótenshe jaǵdaılar departamenti Órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.
Ótken qazan aıynda Qyzylordada kúnbaǵys maıy tıelgen júk kóligi janyp ketken bolatyn.
