Qyzylorda oblysynda avtobýstar soqtyǵysyp, 2 adam kóz jumdy
QYZYLORDA. QazAqparat - Qyzylorda oblysynyń Qarmaqshy aýdanynda eki avtobýs soqtyǵysyp, 14 adam zardap shekti. Eki adam qaza tapty, dep habarlaıdy QazAqparat.
Tótenshe jaǵdaılar komıteti baspasóz qyzmetiniń málimetinshe, 16 qarasha kúni keshkisin Qyzylorda oblysy Qarmaqshy aýdany Aqjar aýylynan 10 shaqyrym qashyqtyqta iri jol apaty bolǵan.
«Eki jolaýshylar avtobýs soqtyǵysty. Onyń bireýinde 37 adam, ekinshisinde 32 jolaýshy bolǵan. Jol-kólik oqıǵasy saldarynan 2 adam qaza tapty. 14 adam jaqyn mańdaǵy Qarmaqshy aýdandyq aýrýhanasyna jetkizildi. Zardap shekken 14 adamnyń ekeýi - bala», - delingen TJK baspasóz qyzmeti taratqan habarlamada.
Oqıǵa ornyna jeke quramnyń 7 qyzmetkeri jáne TJD 2 tehnıkasy, «Apattyq medıtsına ortalyǵynyń» 5 jumysshysy barǵan.
