Qyzylorda oblysynda avtobýs pen jeńil kólik soqtyǵysyp, eki adam kóz jumdy
Oqıǵa búgin, 14 shilde saǵat 7.00 shamasynda Qyzylorda qalasyna qarasty Baımurat aýyly aýmaǵynda bolǵan.
«Shymkent-Samara» tasjoly boıynda avtobýs pen jeńil avtokólik soqtyǵysyp, jol-kólik oqıǵasy tirkeldi.
Saldarynan jeńil avtokóliktiń júrgizýshisi oqıǵa ornynda qaza tapty.
Avtobýstyń bir jolaýshysy medıtsınalyq mekemede kóz jumdy. Avtobýs júrgizýshisi jáne 3 jolaýshysy dene jaraqatymen aýrýhanaǵa jatqyzyldy.
«Onyń bireýine alǵashqy medıtsınalyq kómek kórsetildi. Jol-kólik oqıǵasy boıynsha QR Qylmystyq kodeksiniń 345-babynyń 4-bóligimen sotqa deıingi tergeý júrip jatyr», - dep málim etti Qyzylorda oblystyq polıtsııa departamentinen.
Tıisti sot saraptamalary taǵaıyndaldy. Oqıǵanyń mán-jaıy anyqtalyp jatyr.
Eske salsaq, budan buryn Qyzylorda turǵynynan 41 túp sora ósimdigi tárkilendi.
