Qyzylorda oblysynda aýyl taqyrybynda jazatyn jýrnalıster marapattaldy

QYZYLORDA. QazAqparat - «Aýyl» halyq-demokratııalyq patrıottyq partııasy Qyzylorda oblystyq fılıalynyń basshylyǵy óńirdegi aýyl sharýashylyǵy taqyrybynda qalam tartyp júrgen jýrnalısterdi marapattady, dep habarlaıdy QazAqparat tilshisi.

Bul shara Buqaralyq aqparat quraldary merekesi qarsańynda uıymdastyryldy. Onda fılıal basshysy Serikbaı Ómirzaqov qalam ıelerine tilektestigin bildirip, elimizdiń jáne óńirdiń aýyl sharýashylyǵy salasynda atqarylyp jatqan jumys jóninde keńinen áńgimelep berdi.

«Elimizdiń agrarlyq salasynda kóptegen ıgilikti is júzege asyrylyp keledi. Osyndaı jarqyn jobalar Syr óńirinde de jasalýda. Aımaq eńbekkerleri negizinen kúrish sharýashylyǵymen aınalysady. Bul salada qol jetken tabys az emes. Sońǵy jyldary kúrishtiń jańa sorty óndiriske engizilip, jerden qazyna izdegen qarapaıym sharýa qaýymy mol tabysqa negiz qalady. Sol tabysty kópshilikke keńinen jetkizýde buqaralyq aqparat quraldary ókilderiniń atqarǵan eńbegi zor. Bizdiń partııanyń negizgi maqsaty - aýyl jurtshylyǵynyń jaǵdaıyn jaqsartyp, aýqymdy jobalardyń júzege asýyna yqpal jasaý. Osy baǵytta kóp jumys júzege asty. Sol ıgilikti isterdi nasıhattaýda jýrnalısterge partııa atynan rızashylyǵymyzdy jetkizgimiz keledi», - dedi Serikbaı Ómirzaqov.

Jýrnalıster atynan Dáýirjan Elýbaev, Mıra Jákibaeva óz pikirimen bólisti. Partııa jumysyna sáttilik tiledi.

Fılıal basshysy kelesi kezekte partııa atynan jýrnalısterge syı-sııapat jasady.