Qyzylorda oblysynda aýrýhananyń bas dárigeri sottaldy
QYZYLORDA. QazAqparat- Qazaly aýdany aımaqtyq aýrýhanasynyń bas dárigeri 5 jylǵa bas bostandyǵynan aıyryldy, dep habarlaıdy QazAqparat HAA tilshisi oblystyq prokýratýraǵa silteme jasap.
Oblystyq prokýratýra basqarmasynyń basshysy Nurlan Qalıevtyń aıtýynsha, sottalýshy óz kinásin tolyqtaı moıyndaǵan. Ol 500 myń tenge parany kólik júrgizýshisinen aýdandyq emdeý mekemeleriniń birine jumysqa ornalastyryp berý úshin alǵan.
Qazaly aýdandyq soty aıyptalýshynyń bas bostandyǵyn 5 jylǵa shekteı otyryp, memlekettik qyzmette jumys atqarý quqyǵynan ómir boıyna aıyrdy, sondaı-aq onyń dúnıe-múlki tárkilendi. Úkim zańdy kúshine engen joq.
Ótken jyly Qyzylorda oblysynda para alý faktisi boıynsha 16 laýyzym ıesi sotty boldy. Olardyń arasynda oblystyq revızııalyq komıssııanyń bas mamany R. Qýańbaeva 700 myń teńge kóleminde para alǵan. Basqalary er azamattar. Búgingi kúni olardyń beseýi túrmede jazalaryn ótep jatsa, qalǵan ony 81 mln. teńge kóleminde aıyppul tólegen. Sondaı-aq, bireýiniń erkindigi shektelgen.
