Qyzylorda oblysynda Aýǵanstanǵa jetkizilýi tıis bolǵan tsısternanyń aqaýy saldarynan aýaǵa gaz tarady
ASTANA. Sáýirdiń 26-sy. QazAqparat - Qyzylorda oblysynyń Shıeli stansysynda Aýǵanstanǵa jetkizilýi tıis bolǵan júk poıyzynyń tsısternasynan aýaǵa gaz tarady.
QR TJM qutqarýshylarynyń málimetine sáıkes, poıyz Aqtóbe oblysynyń Jem stansysynan Golova stansysy (Ózbekstan) arqyly Horýn Bellal (Aýǵanstan) stansysyna qaraı bet alǵan.
Qazir gazdy aýaǵa taratyp jatqan sıymdylyǵy 33 tonna tsısterna Shıeli stansysynyń tuıyǵyna qoıyldy. Órtke qarsy poıyz (5 adam) ben Qyzylorda oblysy boıynsha TJD órtke qarsy qyzmetiniń (5 adam men 1 tehnıka) kúshimen gazdyń aýaǵa taralýy toqtatyldy.
Adamdardyń ómiri men densaýlyǵyna esh qaýip joq, dep málimdeıdi QR TJM.
