Qyzylorda oblysynda aýdan turǵyndary koronavırýs vaktsınasyn ala bastady
QYZYLORDA. QazAqparat - Qyzylorda oblysynda aýdan turǵyndary koronavırýsqa qarsy vaktsına saldyra bastady, dep habarlaıdy QazAqparat tilshisi.
Vaktsına naýryz aıynnyń basynda aýdandarǵa jetkizilgen bolatyn. Alǵashqy kezeńde oblystyń soltústik bóligindegi Aralda – 210, Qazalyda 300 doza egildi.
«Naýryz aıynyń alǵashqy onkúndiginde 149 medıtsına qyzmetkeri ekpeniń birinshi komponentin aldy. Endi olar 21 kúnnen soń ekinshi komponentin qabyldaıtyn bolady. Ekpeden soń aýyrsyný sekildi qolaısyz jaǵdaılar tirkelgen joq. Búginde aýdanda vırýsqa qarsy dári qory men qajetti qural-jabdyqtar jetkilikti», – dedi Qazaly aýdanaralyq aýrýhanasynyń bas dárigeri Baqyt Alısheva.
Al Aral aýdanynda vaktsınalaý jumystaryn júrgizý úshin emhanada sanıtarlyq-epıdemııalogııalyq talaptarǵa saı egý bólmeleri daıyndaldy. Sondaı-aq, ekpe egýge 4 dáriger, 4 medbıke jáne 2 medıtsınalyq tirkeýshi maman jumyldyryldy.
«Qazir ekpe saldyrǵan azamattar bizdiń dárigerlerdiń baqylaýynda. Endi qalǵan dozalar aldaǵy ýaqytta kezeń-kezeńimen jetkiziletin bolady», – dedi Aral aýdanaralyq aýrýhanasynyń bas dárigeri Marat Rshymbetov.
Budan buryn qyzylordalyq polıtseıler koronavırýsqa qarsy vaktsına ala bastaǵanyn jazǵan edik.
