Qyzylorda oblysynda aýaǵa oq atqan adam ustaldy

QYZYLORDA. QazAqparat – Qyzylorda oblysynyń polıtseıleri aýaǵa qarýdan oq atqan azamatty ustady, dep habarlaıdy QazAqparat Rolisia.kz-ke silteme jasap.

Oqıǵa 29 tamyzdan 30 tamyzǵa qaraǵan túni Tereńózek aýylynda bolǵany anyqtaldy. Atalǵan fakti boıynsha QR QK-niń 293-babymen (Buzaqylyq) sotqa deıingi tergeý amaldary júrgizilip jatyr.
Quqyq buzýshy aýdandyq polıtsııa bólimine jetkizildi. Sonymen qatar beınejazbadaǵy kólik ıesi de anyqtaldy.

ІІO-nyń esebinde joq gazdy qarý tárkilenip, tıisti saraptamalar taǵaıyndaldy. Tergeý jalǵasyp jatyr.