Qyzylorda oblysynda ardagerler uıymynyń konferentsııasy ótti

Búgin Dostyq úıinde oblys ákimi Gúlshara Ábdiqalyqovanyń qatysýymen oblystyq ardagerler uıymynyń kezekti VIII konferentsııasy ótti.

Jıynǵa oblys ákiminiń orynbasary Serik Ahmet, birqatar basqarma basshylary, delegat músheleri men sala ardagerleri, qoǵamdyq uıymdardyń basshylary jáne onlaın ZOOM platformasy arqyly qala, aýdan ákimderi men aımaqtardan saılanǵan delegatsııa músheleri qatysty.

Konferentsııada oblystyq ardagerler keńesiniń tóraǵasy Serik Dúısenbaev uıymnyń 2016 jyldan bergi atqarǵan esebin tizbektep, ardagerler uıymyn odan ári damytýdy kózdeıtin negizgi mindetterdi saralap ótti.

Jıyn barysynda oblystyq ardagerler uıymy men tekserý komıssııasynyń músheleri jáne respýblıkalyq sezine qatysatyn delegattar saılandy.

Alqaly jıynda ardagerler tarapynan Memleket basshysynyń jańa Joldaýynda kózdelgen basym baǵyttarǵa qoldaý bildirý, ortaq iske birigý syndy pikirler qozǵaldy.

Sonymen birge ardagerler uıymyna birikken janashyr azamattardyń ultty uıystyrý isinde erekshe ról atqaratyny jan-jaqty aıtyldy.

Eńbek ardageri Shahızat Tórebaev, Qazaly aýdanynyń eńbek ardageri Qubyl Rshymbetov, oblystyq ardagerler keńesiniń alqa múshesi Najmaddın Musabaev jáne ózge de azamattar oı-pikirlerin bildirdi.

Delegatsııa músheleri tarapynan oblystyq ardagerler keńesiniń esepti kezeńdegi jumysy laıyqty baǵalandy.

Basqosýda oblys ákimi Gúlshara Ábdiqalyqova ardagerler uıymynyń qoǵamdaǵy orny men aımaq damýy jolyndaǵy eleýli eńbekterin atap ótti.

Óńirdi órkendetýge úles qosyp júrgen ardagerlerge Syr jurtshylyǵy atynan alǵys aıtty.

«Búgingi konferentsııanyń el Táýelsizdiginiń 30 jyldyq mereıtoıy aıasynda ótýiniń úlken sımvolıkalyq máni bar. Egemendigimizdiń bastaýynda turǵan Elbasy Nursultan Ábshiuly Nazarbaevpen birge ózderińiz sekildi el aǵalary, ardagerlerimiz memleketimizdiń, Syr óńiriniń aıaǵynan turyp, nyǵaıýyna zor úles qosty. Prezıdentimiz Qasym-Jomart Kemeluly Toqaevtyń «Halyq birligi jáne júıeli reformalar – el órkendeýiniń berik» negizi atty jańa Joldaýynda 7 máselege negizgi basymdyq berilgenin bilesizder. Bul baǵyttardyń barlyǵy da óte mańyzdy. Sonyń ishinde sapaly bilim berý, óńirlik saıasatty jetildirý, saıası jańǵyrý jáne adam quqyǵyn qorǵaý, ultty uıystyrýdaǵy irgeli isterde ardagerlerimiz, aqsaqaldarymyz belsendilik kórsetýi qajet. Sondyqtan, mundaı basqosýdyń ótýi bárimiz úshin de tıimdi ekeni ras», - dedi Gúlshara Ábdiqalyqova.

Konferentsııada barlyq deńgeıdegi ardagerler uıymdarynyń aldaǵy atqaratyn jumystary men mindetteri aıqyndalyp, usynystar tyńdaldy.

Sharada Bıǵalı Qaıýpovtyń usynysymen qoǵam qaıratkeri, abyz aqsaqal Seıilbek Shaýhamanovtyń el ıgiligi jolyndaǵy eńbegine degen erekshe qurmet bildirý maqsatymen jıynǵa jınalǵandar bir mınýt únsizdikpen eske aldy.

Konferentsııada delegat múshelerine oblystyq ardagerler keńesi tóraǵasyn saılaý múmkindigi berildi.

Onda qazirgi tóraǵa Serik Dúısenbaevtyń kandıdatýrasy laıyq dep tanyldy.

Basqosýdy qorytyndylaǵan aımaq basshysy qoǵamdyq jumystarda belsendilik tanytyp, óńirdiń damýyna úles qosqan birqatar ardagerlerdi marapattap, iltıpat tanytty.

Qazaly aýdandyq ardagerler keńesiniń tóraǵasy Orazǵalı Bekpanov, ardagerler keńesi tóraǵasynyń orynbasary Kúlaı Ermaǵambetova, eńbek ardagerleri Ábdiǵappar Ámirǵalıev pen Nurlybaı Ulyqpanuly, Shıeli aýdandyq áıelder qoǵamynyń tóraıymy Náılıa Palymbet oblys ákiminiń Alǵys hatyn ıelendi.

Aıta keteıik, óńirde 75 myńǵa jýyq ardager uıymǵa múshe. Olar 728 bastaýysh ardagerler uıymyna birikken.

Eske salsaq, budan buryn Qyzylorda oblysynda munaı jáne gaz salasy qyzmetkerleri marapattalǵan bolatyn.