Qyzylorda oblysynda Aral óńiri balyqshylarynyń ІІІ sleti ótti
QYZYLORDA. QazAqparat-Búgin Aral aýdanynda ІІІ halyqaralyq balyqshylar sleti ótti. Oǵan oblys ákimi Qyrymbek Kósherbaev, QR Aýyl sharýashylyǵy mınıstrligi Orman sharýashylyǵy jáne janýarlar dúnıesi komıtetiniń tóraǵasy Marlen Aınabekov, Araldy qutqarý jónindegi halyqaralyq qordyń, «Kazrybhoz» qoǵamdyq birlestiginiń, qoǵam qaıratkerleri men aımaqtyń balyq sharýashylyǵy salasynyń ardagerleri, Danııa, Reseı elderiniń, Aqtóbe, Qaraǵandy, Ońtústik Qazaqstan jáne Shyǵys Qazaqstan oblystarynyń ókilderi qatysty. Bul týraly QazAqparat tilshisi oblystyq ákimdikke silteme jasap habarlady.
«Ózderińizge belgili, Elbasynyń bastamasymen Aral teńiziniń soltústik bóligin saqtaý jóninde Qazaqstan aýqymdy sharalar nátıjesinde, Aral óńiriniń ata kásibi - balyq sharýashylyǵy salasy jańa deńgeıge kóterilip, qarqyndy damýda. «Batys Eýropa-Batys Qytaı» avtodálizi men Eýrazııalyq ekonomıkalyq odaqtyń qurylýy biz úshin kórshi memlekettermen baılanys jasaýǵa jáne ınvestıtsııalyq jobalardy júzege asyrýǵa mol múmkindik berýde. Sonyń aıqyn dáleli - búgingi sletke qatysyp otyrǵan reseılik kásipkerlerimizben birigip salǵan Reseıdiń Ýlıanovsk oblysyndaǵy «Dımıtrovgrad balyq ólkesi» balyq óńdeý zaýyty. Zaýytqa shıkizat negizinen Aral teńizinen jetkiziledi. Balyqtyń sapasy jaqsy, naryqtaǵy suranysy da joǵary»,- dep atap ótti oblys ákimi Qyrymbek Kósherbaev.
Oblys ákiminiń aıtýynsha, búginde aral balyǵy Danııaǵa, Polshaǵa, Reseıge, Grýzııaǵa jáne Ázerbaıjanǵa eksporttalady, al Aral teńizinen jylyna 8 myń tonnaǵa jýyq balyq aýlanady.
Sondaı-aq sletke «Kattagetten Aral teńizine deıin» jobasyna qatysýshylardyń biri, «Tiri teńiz» birlestiginiń zertteýshi-ıhtıology ıAn Krıstıan Grıýıer Larsen qatysty.
«Kezinde, sýdyń tuzdanýynan Aral teńizinde jalǵyz qalǵan kambala balyǵyn aýlaýdy danııalyq Kýrt Krıstensen bastaǵan balyqshylar úıretip, «Kattegattan - Aralǵa deıin» jobasyn júzege asyrdy. Birlesip jasalǵan jumystyń nátıjesinde balyqtyń 22 túri qaıta paıda bolyp, balyq óndirý kólemi birneshe ese ósti,- dedi Qyrymbek Kósherbaev.
Slet barysynda balyq sharýashylyǵy salasynyń ardagerleri men birqatar jumysshylar QR Aýyl sharýashylyǵy mınıstrligi men oblys ákiminiń medaldarymen, Qurmet gramotalarymen jáne Alǵys hattarymen marapattaldy.
