Qyzylorda oblysynda apatty jaǵdaıdaǵy mektepter máselesi bıyl túbegeıli sheshiledi
QYZYLORDA. QazAqparat-Qyzylorda oblysynda apatty jaǵdaıdaǵy mektepter máselesin sheshý jumystary júıeli júrgizilýde.
Osydan tórt jyl buryn mundaı bilim oshaqtarynyń sany 37 bolǵan. Bul týraly oblys ákimi Qyrymbek Kósherbaev "Qazaqstan-Qyzylorda" telearnasynyń tikeleı efırinde ótken "Ákim saǵaty" baǵdarlamasynda aıtty, dep habarlady QazAqparat.
Apatty jaǵdaıda jumys istep kelgen 37 mekteptiń 25-i 2013-2015 jyldar aralyǵynda jańalandy. Qalǵan 12 mekteptiń 8-i taıaý kúnderi qoldanysqa engiziledi. Tórt bilim uıasynyń qurylysy tamyz aıynda aıaqtalmaq. Osylaısha oblysta apatty mektep məselesi túbegeıli sheshiledi.
Óńir basshysy atap ótkendeı, sonymen qatar aýyldaǵy mektepterdiń materıaldyq bazasyn nyǵaıtyp, ınnovatsııalyq tehnologııalarmen qamtý jəne muǵalimderdiń biliktiligin arttyrýǵa basa mən beriletin bolady.
