Qyzylorda oblysynda ákimniń «deldaly» 6 jylǵa sottaldy

NUR-SULTAN. QazAqparat – Qyzylorda oblysynda aýdan ákimdiginiń apparat basshysy laýazymyn kózdegen qyzylordalyqtan 3 mln teńgesin aldap alǵan kúdiktige sot úkimi shyqty, dep habarlaıdy QazAqparat tilshisi.

Bul týraly Sybaılas jemqorlyqqa qarsy is-qımyl agenttiginiń asa mańyzdy ister jónindegi tergeýshisi Danııar Begaıdarov ANTIKOR News aqparat alańynda aıtty.

«A.I.Syzdyqov Qyzylorda oblysynyń turǵynynan jalpy somasy 3 mln teńge aldap alǵan. Bul aqshany ol Shıeli aýdany ákimine para retinde «berip», qarajat ıesin aýdan ákimdiginiń apparat basshysy etip taǵaıyndaýǵa qamqorlyq jasaımyn dep sendirgen», - deıdi agenttik ókili.

Sot protsesinde kinási dáleldengen kúdikti 6 jylǵa bas bostandyǵynan aıyryldy.

Taǵy bir is boıynsha, Aqtaý qalalyq soty Aqtaý qalasy Memlekettik kirister basqarmasynyń janama salyqtardy ákimshilendirý bóliminiń basshysyn ómir boıy memlekettik qyzmet atqarý quqyǵynan aıyryp, 30 mln teńge mólsherinde aıyppul saldy.

Danııar Begaıdarovtyń aıtýynsha, ol jaýapkershiligi shekteýli seriktestik dırektorynan shotyna qoıylǵa buǵatty alyp tastaǵany úshin 2 mln teńge somasynda para alǵan.