Qyzylorda oblysynda ákim apparaty basshysynyń mindetin atqarýshy taǵaıyndaldy

ASTANA. QazAqparat - 20 qazanda aktıv otyrysynda Qyzylorda oblysynyń ákimi Qyrymbek Kósherbaev áriptesterine Qazaqstan Respýblıkasy Prezıdenti Ákimshiliginiń kelisimimen jáne oblys ákiminiń ókimimen oblys ákimi apparaty basshysynyń mindetin atqarýshy qyzmetine taǵaıyndalǵan Marat Nursaıynuly Delmuhanovty tanystyrdy.

M.Delmuhanov 1979 jyly týǵan. M.Ótemisov atyndaǵy Batys Qazaqstan memlekettik ýnıversıtetin «býhgalter-ekonomıst» jáne «zańger» mamandyqtary boıynsha bitirgen.

Eńbek jolyn 2001 jyly Batys Qazaqstan oblysynyń ekonomıka basqarmasynyń bas mamany bolyp bastaǵan, «Tehnopark «Algorıtm» jaýapkershiligi shekteýli seriktestiginiń dırektory.

2002-2010 jyldary Batys Qazaqstan oblysy ákimi apparatynda bas maman, bas ınspektor, bólim meńgerýshisi jáne oblysy ákimi apparaty basshysynyń orynbasary.

2010-2013 jyldary Mańǵystaý oblysy ákimi apparatynda bas ınspektor, bólim meńgerýshisi jáne apparat basshysynyń orynbasary.

2013-2015 jyldary Qyzylorda oblysy ákimi apparaty basshysynyń orynbasary, Qyzylorda oblysynyń jumyspen qamtýdy úılestirý jáne áleýmettik baǵdarlamalar basqarmasynyń basshysy qyzmetterin atqarǵan.

Qyzylorda oblysy ákimi apparatynyń burynǵy basshysy Qanatbek Baqytuly Jaısańbaev QR Prezıdent ákimshiliginiń memlekettik baqylaý jáne aımaqtyq uıymdastyrý bóliminiń memlekettik ınspektory qyzmetine taǵaıyndaldy.