Qyzylorda oblysynda adasqan adam qutqaryldy
QYZYLORDA. QazAqparat - Qyzylorda oblysynda balyq aýlaýǵa shyǵyp, aıdalada adasyp ketken adam qutqaryldy, dep habarlaıdy QazAqparat tilshisi.
«112-biryńǵaı kezekshilik-dıspetcherlik qyzmeti» nómirine jergilikti turǵyn Denıs Seregın habarlasqan. Ol týysy Aleksandr Seregınniń balyq aýlaýǵa shyǵyp, sodan qaıta oralmaǵanyn málim etti. Aleksandr Seregın Aqtaı kóli aýmaǵyna balyq aýlaýǵa ketken eken. Atalmysh kól «Qyzylorda-Jezqazǵan» tas jolynyń 94 shaqyrymynan ońǵa qaraı 60 shaqyrymdaı jerde.
Alǵashqy izdestirý sharalaryna arnaıy kóliktermen «Ońtústik óńirlik aeroutqyr jedel qutqarý jasaǵynan» 4 qutqarýshy, oblystyq polıtsııa departamentinen 3 qyzmetker jáne týysy shyqty. Degenmen bul sátsiz aıaqtaldy.
«Odan keıin izdeý sharalary taǵy da jalǵasty. Oǵan joǵalǵan azamattyń týystary ózderiniń tanystary Aleksandr Peters pen Erjan Shalbaevty da qatystyrýdy suraǵan. Atalǵan azamattar qutqarýshylar men polıtsııa qyzmetkerlerimen birge jolǵa shyqty. Bul jolǵy izdestirý sharalary óz nátıjesin berdi», - dedi oblystyq tótenshe jaǵdaılar departamentiniń memlekettik til jáne aqparat tobynyń bas mamany Aıgúl Nurmanova.
Іzdestirý sharalary barysynda Aleksandr Peters pen Erjan Shalbaev jerde búrisip jatqan Aleksandr Seregındi taýyp alǵan. Joǵalǵan azamattyń júrýge shamasy kelmeı qalǵan eken. Ol dereý sol mańda izdeý sharalaryn atqaryp júrgen qutqarý qyzmeti mamandaryna jetkizildi. Joǵalǵan azamat ózin tabýǵa atsalysqan barlyq azamattarǵa alǵysyn bildirdi. Jergilikti turǵyndar osylaısha tıisti sala mamandarymen birigip qutqarý sharalaryna belsene atsalysty.
Esterińizge sala ketelik, budan Qyzylordada Qyzylorda oblysynda kóktaıǵaq saldarynan jolda qalǵan jolaýshylar qutqarylǵanyn habarlaǵan edik.
