Qyzylorda oblysynda 9641 quqyq buzýshylyq anyqtaldy

Qyzylorda OІІD baspasóz qyzmetiniń habarlaýynsha, Onyń 585-i belgilenbegen oryndarda saýda jasaǵany úshin (204-babymen), 995-i usaq buzaqylyq jasaǵany úshin (434-babymen), 483-i tún tynyshtyǵyn buzǵany úshin (437-babymen), 1891-i qoǵamdyq oryndarǵa masań kúıde kelgeni úshin (440-babymen), 769-y jekelegen qoǵamdyq oryndarda temeki buıymdaryn tutynýǵa tyıym salýdy buzǵany úshin (441-babymen), 1588-i qalalar men eldi mekenderdiń aýmaqtaryn kóriktendirý erejelerin buzǵany úshin (505-babymen), 707-si ıtter men mysyqtardy kútip-ustaý erejelerin buzǵany úshin (408-babymen), 24-i kámeletke tolmaǵandardyń túngi ýaqytta oıyn-saýyq mekemelerinde bolýyna jol bergeni úshin (ÁQBtK 132-baby) jáne 1133 azamat jasóspirimderdiń tún mezgilde zańdy ókilderinsiz júrýlerine jol bergeni úshin (ÁQBtK 442-baby) ákimshilik  jaýapkershilikke tartyldy.

Anyqtalǵan quqyq buzýshylyqtar boıynsha  222 mln 105 myń teńge aıyppul salynyp, onyń 41,5 paıyzy, ıaǵnı 92 mln 076 myń teńgesi óndirildi, dep habarlaıdy Qyzylorda OІІD baspasóz qyzmeti.

Oblys ortalyǵynda kezeń-kezeńimen 272 beınebaqylaý kameralary ornatylǵan. Jedel basqarý ortalyǵynyń beınebaqylaý kameralarynyń kómegimen 53 qylmystyń izi sýymaı ashylsa, 8906 ártúrli quqyq buzýshylyqtar anyqtalyp otyr. Onyń ishinde 7958-i  jol erejesin buzý derekteri.

Qazirgi tańda, beınebaqylaý kameralary jelisiniń keńeıýi turǵyndardyń qoǵamdyq oryndy lastamaýyna septigin tıgizýde. Oǵan dálel, beınebaqylaý kameralary ornalasqan aýmaqtarda kóshe lastaý derekteri azaıdy. Azamattar beınebaqylaý kamerasynyń ózderiniń artynan baqylap turǵanyn ańǵaryp, temeki qaldyqtary men qoqystaryn arnaıy jáshikterge tastaýǵa daǵdylanýda.

Oblysymyzdaǵy barlyq mektepterde, orta bilim berý jáne joǵary oqý oryndarynda kezdesýler uıymdastyrylyp, oqýshylar men stýdentterge múldem tózbeýshilik qaǵıdatynyń kózdeıtin maqsaty jan-jaqty túsindirilip,  qoǵamdyq oryndarda buzaqylyqtar men vandalızm kórinisterine jol bermeý baǵytynda profılaktıkalyq sharalar júzege asyrylýda.

Quzyrly organdarmen birlesip jastar men jasóspirimderdi tazalyq saqtaýǵa, qoǵamdyq oryndardy lastamaýǵa, saıabaqtar men kóshelerdegi jaryqshamdar men múlikterdi búldirmeýge shaqyratyn nasıhat sharalary jáne osy baǵyttarda halyq kóp shoǵyrlanatyn oryndarǵa bılbordtar ornalastyrylyp, jergilikti buqaralyq aqparat quraldarynan profılaktıkalyq baǵytta beınerolıkter kórsetý sharalary únemi uıymdastyrylýda.