Qyzylorda oblysynda 94 alımentshi jumysqa ornalastyryldy
QYZYLORDA. QazAqparat - Qyzylorda qalalyq prokýratýrasy «Alımentter. Tólemeýge qarsy 30 qadam» jobasy aıasynda jergilikti atqarýshy jáne ýákiletti organdarmen birlese otyryp, boryshkerlerdi jumysqa ornalastyrý boıynsha keń kólemdi jármeńke ótkizdi, dep habarlaıdy QazAqparat HAA tilshisi.
Qyzylorda oblystyq prokýratýrasynyń baspasóz hatshysy Seıil Botakóz málim etkendeı, ótkizilgen shara nátıjesinde bos jumys oryndaryna 94 boryshker ornalastyrylyp, qazirgi tańda olardan alıment óndirile bastady.
Aıta ketetin jaıt, aǵymdaǵy jyl basynda 430 boryshkerden 688 balaǵa 141 mln. teńge bereshek qaryzy qalyptasty. Búgingi kúngi deıin 245 boryshker 379 balaǵa 72 200 000 teńge kólemindegi qarjyny ishinara ótedi.
Sonymen qatar, alıment tóleýden jaltyryp júrgen 27 boryshker ákimshilik jaýapkershilikke tartylyp, onyń 5-eýi qamaqqa alynsa, QR QK-niń 139-babyna sáıkes, 10 boryshker qylmystyq jaýapqa tartyldy.
Mysaly, boryshker J.Toqtamysov 3 jyldan beri 2 balasyna tıesili alımentti tólemeı, zańmen belgilengen mindetin oryndamaı kelgen, sáıkesinshe onyń 1 060 000 teńge alımentten bereshegi qalyptasqan. Sonyń negizinde, memlekettik sot oryndaýshysy J.Toqtamysovqa qatysty QR ÁQBtK-niń 669-babymen hattama toltyryp, sot qaýlysymen boryshker ákimshilik qamaqqa alyndy.
