Qyzylorda oblysynda 90 myńnan astam adam koronavırýsqa qarsy vaktsına saldyrdy
Óńirde qaterli indetke qarsy ekpe alý aqpan aıynyń alǵashqy kúninen bastaldy. Búginde turǵyndar «Spýtnık V», «Hayat Vah» jáne «QazVac» vaktsınalaryn saldyrdy.
Oblysta KVI-ǵa qarsy ımmýndaý naýqanyna 19 ekpe kabıneti, onyń ishinde aýdandarda 9 kabınet jasaqtalǵan. Budan basqa 10 jyljymaly jáne kóshpeli pýnkt (brıgadanyń) jumys isteýde.
Barlyǵy qajetti muzdatqysh jabdyqtarymen, muzdatý elementterimen qamtamasyz etilgen. Immýndaý naýqanyna 130-dan astam medıtsına qyzmetkeri tartylǵan.
Ekpe qabyldaǵan azamattar qatarynda muǵalimder, medıtsına qyzmetkerleri, polıtseıler, quqyq qorǵaý qyzmetkerleri jáne basqa da turǵyndar bar.
«Aıta keterligi, ekpe qabyldaǵan azamattar dárigerler baqylaýynda, densaýlyq jaǵdaıyna shaǵymy joq», - dep málim etti Qyzylorda oblystyq Densaýlyq saqtaý basqarmasynan.
Al vaktsınanyń ekinshi komponentin oblysta 38 myńnan astam aldy.
Eske salsaq, Qyzylorda oblysynda karantın talabyn buzǵandarǵa 21 mln teńge aıyppul salynǵan.