Qyzylorda oblysynda 87 myńnan astam adam revaktsınatsııadan ótti
Revaktsınatsııa jasaý úshin ekpe qory jetkilikti. Atap aıtqanda, «QazVac», «SinoVac», «Pfizer», «Spýtnık Laıt» preparattary qoldanylýda.
Ótken jyldyń qarashasynan bastalǵan revaktsınatsııadan barlyǵy 87 633 adam ótti. Basym kópshiligi - oblys ortalyǵynyń úlesinde. Al aýdandar boıynsha joǵary kórsetkishter Aral, Qazaly, Jańaqorǵanǵa tıesili.
«Revaktsınalaý boıynsha medıtsına qyzmetkerleri, muǵalimder men kúshtik qurylymdar qyzmetkerleri kósh bastap tur. Sondaı-aq, 60 jastan asqandardyń úlesi joǵary. Stýdentter men sozylmaly aýrýlary bar adamdar arasynda da revaktsınatsııalaý kórsetkishi arta tústi. Oblys kóleminde ımmýndaýdan keıin asqyný jaǵdaıy tirkelgen joq», - dep málim etti oblystyq sanıtarııalyq-epıdemıologııalyq baqylaý departamentinen.
Eske salsaq, buǵan deıin Qyzylorda oblysynda koronavırýs juqtyrǵandar qatary tómendegendigin habarlaǵan bolatynbyz.
