Qyzylorda oblysynda 81 myńnan astam adam revaktsınatsııadan ótti
Óńirde revaktsınatsııa jasaý úshin ekpe qory jetkilikti. Oblysta revaktsınatsııa úshin «QazVac», «SinoVac», «Pfizer», «Spýtnık Laıt» preparattary qoldanylýda.
Ótken jyldyń qarashasynan bastalǵan revaktsınatsııadan barlyǵy 81 154 adam ótti. Basym kópshiligi - oblys ortalyǵynyń úlesinde. Al aýdandar boıynsha joǵary kórsetkishter Aral, Qazaly, Jańaqorǵanǵa tıesili.
«Revaktsınalaý boıynsha medıtsına qyzmetkerleri, muǵalimder men kúshtik qurylymdar qyzmetkerleri kósh bastap tur. Sondaı-aq, 60 jastan asqan adamdardyń úlesi joǵary. Stýdentter men sozylmaly aýrýlary bar adamdar arasynda da revaktsınatsııalaý kórsetkishi arta tústi. Oblys kóleminde ımmýndaýdan keıin asqyný jaǵdaıy tirkelgen joq», - dep málim etti oblystyq sanıtarııalyq-epıdemıologııalyq baqylaý departamentinen.
Eske salsaq, Qyzylorda oblysynda koronavırýs juqtyrǵandar qatary tómendep keledi.
