Qyzylorda oblysynda 800 teń shóp janyp ketti

QYZYLORDA. QazAqparat - Qyzylorda oblysynda 800 teń jońyshqa shóbi janyp ketti, dep habarlaıdy QazAqparat tilshisi.

29 qazan kúni saǵat 16.26-da Jańaqorǵan aýdany №14 cóndirý bóliminiń baılanys beketine habarlama túsken. Onda aýdanǵa qarasty Bılibaı aýylyndaǵy turǵyn úı mańynda shóp órtenip jatqany aıtylǵan.

«Oqıǵa ornyna kezekshiliktegi jeke quram arnaıy tehnıkamen jetti. Onda ashyq alańǵa jınalǵan 800 teń jońyshqa jáne 3 tirkemege tıelgen jantaq shóbi órtenip jatqany anyqtaldy. Órttiń beti saǵat 17.07-de qaıtaryldy. Ottyń tutaný sebebi anyqtalyp jatyr. Órtten qaza bolǵandar men zardap shekkender joq», - dedi Qyzylorda oblystyq Tótenshe jaǵdaılar departamenti Órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.