Qyzylorda oblysynda 800-den astam muqtaj jandarǵa kómek kórsetildi
Basty maqsat - qoǵamdaǵy áleýmettik áljýaz toptardy qoldaý, ómirge degen talpynystaryn oıatý, ómirlik kedergilerdi jeńýine járdemdesý. Sharaǵa qatysqan aýdan ákimi Najmadın Shamuratov «Sadaqańdy saýyńda ber» - degen taǵylymdy sózdi taǵy bir eske salyp, barsha turǵyndardy qaıyrymdylyq aktsııasyna belsene qatysýǵa shaqyrdy. Aktsııa aıasynda aýdan ákimi, mekeme-kásiporyndar basshylary tarapynan jınalǵan kıim-keshek túrleri kómekke muqtaj azamattarǵa taratyldy.
Aıta keteıik, ótken jyly Qazaly aýdanynda «Barlyǵy da rahmet úshin!» áleýmettik dúkeni ashylyp, jyl kóleminde 800-den astam kómekke muqtaj jandarǵa kıimder tegin taratyldy. Erekshe saýda oryndaryndaǵy taýarlar aqshaǵa emes, adamnyń bir aýyz alǵysy úshin berildi.
Sonymen qatar, Táýelsizdiktiń 25 jyldyǵyna oraı aýdandaǵy turmysy tómen otbasylardyń tizimi jasaqtalyp, derbes bólim, mekeme-kásiporyn basshylary, mektep dırektorlary men balabaqsha meńgerýshileri tarapynan 400-den astam janǵa qaıyrymdylyq kómekteri (azyq-túlik, kómir, kıim-keshek, t.b.) kórsetildi. Qaıyrymdylyq sharasy bıylǵy jyly da túrli baǵytta jalǵaspaq.