Qyzylorda oblysynda 800-den astam adamdy kene shaqqan
QYZYLORDA. QazAqparat - Syr óńirinde kene shaǵý qaýpi joǵary eldi mekender sany ótken jylǵa qaraǵanda 10 aýylǵa kóbeıgen. Qazir mundaı aýmaqtar 127 eldi mekendi qurap otyr, dep habarlaıdy QazAqparat tilshisi.
Oblystyq qoǵamdyq densaýlyq saqtaý departamenti mamandarynyń habarlaýynsha, byltyr óńirdegi emdeý oryndarynda 1434 adamǵa kene shaǵý deregi boıynsha tıisti medıtsınalyq sharalar júrgizilgen. Osyndaı jaǵdaı saldarynan Shıeli aýdanynda 1 adamnyń ólimi tirkelgen. Jyl basynan beri 800-den astam adam kene shaǵý dıagnozy negizinde dárigerler qaraýyna kelgen. Olardyń arasynda tórteýinde qyrym-kongo bezgeginiń alǵashqy belgileri anyqtaldy.
«Aımaqta zııankes jándiktiń taralý aýmaǵy artyp kele jatqany alańdatady. Buǵan deıin oblys aýmaǵynda aýrý tasyǵysh keneniń 6 túri kezdesken. Mamandar qazir bul parazıttiń taǵy bir túrin anyqtady»,- deıdi oblystyq qoǵamdyq densaýlyq saqtaý departamenti basshysynyń orynbasary Álııa Ábdiqaıymova.
Qyzylorda oblysy elimizde kene shaǵý qaýpi joǵary aımaqtar qatarynda sanalady. Bul jándikter kóktem mezgilinde kúrt kóbeıedi. Atalmysh másele «Nur Otan» partııasy oblystyq fılıalynyń densaýlyq baǵytyndaǵy aımaqtyq komıssııa otyrysynda tıisti sala mamandarynyń qatysýymen talqylandy.
Ádiljan Úmbet
