Qyzylorda oblysynda 80 jastaǵy qarııa koronavırýs juqtyrdy

QYZYLORDA. QazAqparat - Qyzylorda oblysynda koronavırýs ınfektsııasynyń aýrý belgisimen 14 adam tirkeldi, dep habarlaıdy QazAqparat COVID-19 taralýyna jol bermeý jónindegi vedomstvoaralyq komıssııanyń Telegram paraqshasyna silteme jasap.

10 maýsymda Qyzylorda qalasynda12 adam, Jańaqorǵan aýdanynda 1 adam jáne Jalaǵash aýdanynda 1 adam koronavırýs ınfektsııasymen tirkeldi. Naýqastardyń arasynda eń úlkeni 1940 jylǵy er adam bolsa, eń kishisi 1997 jyly týǵan qyz bala.

«PTR analızderi 4 adamnan buǵan deıin aýyrǵan naýqastarmen qarym-qatynasta bolýyna baılanysty, 4 adamnan shuǵyl gospıtalızatsııalaý aldyndaǵy epıdbaqylaý maqsatynda, qalǵan 6 naýqastan epıdemıologııalyq kórsetkishter (JRVI) boıynsha alynǵan. Zertteý qorytyndylary naýqastardyń aǵzasynan koronavırýs ınfektsııasyn anyqtady», delingen habarlamada.
Qazir patsıentter aýrýhanaǵa oqshaýlandyrylyp, hattamaǵa sáıkes em qabyldap jatyr. Mamandar indetke qarsy is-sharalar uıymdastyryp, naýqastarmen qarym-qatynasta bolǵandardy anyqtaýda.
Qyzylorda oblysynda koronavırýs ınfektsııasymen jalpy 484 adam tirkelgen, olardyń ishinde 309-y emdelip shyqqan.