Qyzylorda oblysynda 8 oqýshy koronavıýs juqtyrdy
QYZYLORDA. QazAqparat - Qyzylorda oblysynda jańa oqý jylynda 8 oqýshy koronavıýs ınfektsııasyn juqtyrdy, dep habarlaıdy QazAqparat tilshisi.
Búgingi kúnge deıin oblysta koronavırýs ınfektsııasyn juqtyrǵan 3289 adam tirkeýge alynǵan. Onyń ishinde 14 jasqa deıingi balalar - 192, 15-19 jas aralyǵyndaǵy jasóspirimder -55 adam.
Jańa oqý jylynda oblysta 8 oqýshy koronavıýs ınfektsııasyn juqtyrdy. Onyń bireýi densaýlyq jaǵdaıyna baılanysty úıden oqıtyn, 2005 jyly dúnıege kelgen Qarmaqshy aýdanynyń turǵyny bolsa, qalǵany qashyqtan bilim alady. Mektepte qaterli indetti juqtyrý deregi tirkelgen joq.
«Oblystyń Bas memlekettik sanıtarııalyq dárigeriniń 11 qarashadaǵy №26 qaýlysyna sáıkes 2020-2021 oqý jylynyń ekinshi toqsanynan bastap kontıngenti 300 oqýshyǵa deıingi qalalyq jáne aýyldyq mektepterde, synyptaǵy balalar sanyn 15 adamnan asyrmaı dástúrli formatta oqytýǵa ruqsat berilgen.
Sondaı-aq, ata-analar ótinishi boıynsha synyptaǵy oqýshy sanyn 15 baladan asyrmaı, jalpy bilim beretin mektepterde 1 synyptan 5 synyp boıynsha oqytýǵa bolady. Al halyqaralyq mektepterde 7 synypqa deıin kezekshi synyptarda oqytýǵa ruqsat berildi», - dedi Qyzylorda oblysy sanıtarlyq-epıdemıologııalyq baqylaý departamenti.
Vedomstvo málimetinshe, qaýlyǵa sáıkes oblysta dástúrli formatta oqytýǵa qosymsha 47 mektep kóshken. Bıylǵy oqý jylynyń ekinshi toqsanynda oblys boıynsha 121 mektepte 19 314 oqýshy dástúrli formatta bilim alsa, 179 mektepte 117 190 oqýshy qashyqtan oqytylýda.
Eske salsaq, Qyzylordada medıtsına qyzmetkeriniń rezervi quryldy.
