Qyzylorda oblysynda 7119 adam koronavırýsqa qarsy ekpe saldyrdy
Óńirge sáýir aıynda taǵy 12 myń doza vaktsına keldi. Jalpy shilde aıyna deıin 80 myń doza ákelinedi dep kútilýde.
Oblysta koronavırýs ınfektsııasyna qarsy ekpe 1 aqpan-4 sáýir aralyǵynda alǵashqy komponentte 7119 adamǵa salynsa, ekinshi komponentte 2623 adamǵa egildi. Olardyń 3377-i medıtsına qyzmetkeri, 1610-y muǵalim, 1290-y polıtsııa qyzmetkeri, 255-i áleýmettik, 270-i memlekettik qyzmetker jáne 285-i basqa da sala ókilderi.
«Vaktsınatsııalaý №1, 3, 4, 5, 6 qalalyq emhanada, barlyq aýdanda jáne Baıqońyr qalasynda júrgizilýde. Bul maqsatta alǵashqy medıtsınalyq-sanıtarlyq kómek mekemelerinde 14 egý kabıneti daıyndalǵan. Barlyq ekpe talapqa saı, temperatýralyq rejımdi qadaǵalaıtyn arnaıy mashınamen halyq sanyna baılanysty ekpe egý oryndaryna jetkizilýde», - dedi oblystyq densaýlyq saqtaý basqarmasynyń basshysy Sábıt Pazılov.
Aıta keteıik, ekpe salatyn medıtsına qyzmetkerleri jetkilikti. Emhanalarda kezekti boldyrmaý joldary da qarastyrylýda. Máselen, ekpeni erikti túrde salýǵa usynys bergen mekemelerge dárigerler baryp, vaktsına salyp berýde.
Buǵan deıin Qyzylordada 417 polıtseıdiń koronavırýsqa qarsy vaktsına qabyldaǵany habarlanǵan bolatyn.