Qyzylorda oblysynda 700 keli esirtki zańsyz aınalymnan alyndy
QYZYLORDA. QazAqparat - Qyzylorda oblysynda byltyr 700 keliden astam esirtki zaty zańsyz aınalymnan alyndy, dep habarlaıdy QazAqparat tilshisi.
2019 jyly Qyzylorda oblysynda esirtkiniń zańsyz aınalymyna baılanysty sotqa deıingi tergep-tekserý biryńǵaı tizilimine 429 qylmystyq is tirkelgen. Onyń ishinde QR Qylmystyq kodeksiniń 296-babynda kórsetilgen esirtki, psıhotroptyq zattar, sol tektes jáne prekýrsorlarmen ótkizý maqsatynsyz zańsyz jumys isteý boıynsha kózdelgen qylmystyq teris qylyqtyń 328 deregi anyqtalǵan.
Sondaı-aq, qylmystyq istiń 12-si - esirtki zatyn saqtaý, 67-si - quramynda zańmen tyıym salynǵan esirtki quraly bar sora ósimdigin ósirý boıynsha qozǵalǵan.
«Nashaqorlyq pen esirtki qylmysynyń aldyn alý maqsatynda oblys kóleminde jalpy 405 is-shara ótkizildi. Nátıjesinde osy baǵytta aktsııa, arnaıy dáris, dóńgelek ústel, kezdesýler, sporttyq is-sharalar, saıystar uıymdastyryldy. Bul jumystar úkimettik emes uıymdar, mektep ınspektorlarymen birlese uıymdastyryldy. Joǵarǵy jáne arnaýly orta oqý oryndarynda osy maqsatta tıisti sharalar jasaldy», - dep málim etti Qyzylorda oblystyq polıtsııa departamentiniń baspasóz qyzmeti.
