Qyzylorda oblysynda 66 nysan «Ashyq» júıesi boıynsha jumys jasaýǵa kóshti
Atalǵan baǵdarlama negizinde aımaqta 11 kompıýterlik klýb, 2 basseın, 2 spa-ortalyq, 1 saýna, 1 boýlıng ortalyq, 2 kınoteatr, 2 bılıard ortalyǵy, 2 fıtnes zaly jáne 43 qoǵamdyq tamaqtaný orny halyqqa qyzmet kórsetedi.
Atalǵan júıe oblys ortalyǵymen qatar aýdandarda da keńinen qoldanyla bastady. Atap aıtqanda, bul boıynsha Shıelide - 3, Qazaly men Aral aýdandarynda bir-bir nysannan.
«Oblysta 26 sáýirden bastap «Ashyq» baǵdarlamasy iske qosyldy. Qyzylorda qalalyq sanıtarııalyq-epıdemıologııalyq baqylaý basqarmasyna atalǵan baǵdarlama boıynsha kásipkerlik nysandar tarapynan 1 qyzyl, 5 sary mártebesindegi adamdardyń anyqtalǵandyǵy týraly habarlama kelip tústi. Olar kınoteatr men kafelerge kirgizý barysynda anyqtalǵan», - dep málim etti vedomstvodan.
Olarǵa qatysty qalanyń Bas memlekettik sanıtarııalyq dárigeriniń 14 kúndik karantındik oqshaýlaný tártibin buzbaý týraly qaýlysy shyǵaryldy. Mundaı karantın talaptaryn buzýshylyq qaıtalanǵan jaǵdaıda kináli tulǵalarǵa qatysty tıisti sharalar qoldanylady.
Eske salsaq, Qyzylorda oblysynda koronavırýsqa shaldyǵý kórsetkishi eki-úsh esege tómendedi.