Qyzylorda oblysynda 6 mln teńgeniń uıaly telefondaryn urlap ketti
QYZYLORDA. QazAqparat - Qyzylorda oblysynda tehnıkalyq buıymdar satatyn saýda ortalyǵyna urlyqqa túsken er adam 6 mln teńgege jýyq shyǵyn keltirdi, dep habarlaıdy QazAqparat tilshisi
Oqıǵa Aral qalasynda ornalasqan saýda úıiniń birinde bolǵan. Belgisiz azamat saýda ortalyǵy esiginiń áınegin syndyryp kirip, uıaly telefondardy urlap ketken. Keltirilgen shyǵyn mólsheri - 5 mln 894 myń teńge.
«Oqıǵaǵa sáıkes QR Qylmystyq kodeksiniń 188-babynyń 3 bóliginiń 1,3-tarmaqtarymen (Urlyq) qylmystyq is tirkeldi. Kúdikti izdestirilip, beınebaqylaý júıelerine monıtorıng júrgizilýde. Sondaı-aq, atalǵan qylmysty ashýǵa baǵyttalǵan keshendi sharalar qolǵa alyndy», - dedi Aral aýdandyq polıtsııa bóliminiń bastyǵy Nurbek Shegebaev.
Eske salsaq, budan buryn Qyzylorda oblysynda bıyl 288 ınternet-alaıaqtyq qylmysy tirkelgen.
