Qyzylorda oblysynda 6 aıda 313,4mln. teńgeniń jalaqysy prokýratýranyń yqpal etýimen tıisti ıelerine bergizildi
QYZYLORDA. Shildeniń 23-i. QazAqparat /Rýslan Igilik/ -Qyzylorda oblystyq prokýratýrasy ústimizdegi jyldyń basynda oblys kólemindegi memlekettik kásiporyndar men kásipkerlik sýbektileriniń jumysshylardyń jalaqylaryna qaryzdary edáýir kóbeıip ketýine baılanysty jalaqyǵa qaryzdary bar mekemeler basshylary qatysqan jıyn ótkizdi.
Jıynda qala, aýdan ákimderine qalyptasqan jalaqy qaryzdaryn tóleýge tıisti sharalar jaıy aıtyldy. Atqarylǵan jumystar men der kezinde qoldanylǵan yqpal etý sharalary nátıjesinde 2010 jyldyń 6 aıynda 24 mekemeniń 7658 jumysshylary aldyndaǵy 313,4 mln. teńge jalaqy qaryzdarynyń tólemi qamtamasyz etildi. Osynyń nátıjesinde alǵashqy jartyjyldyqta jumysshylardyń jalaqy qaryzdary 140, 3 mln. teńgeden 101,8 mln. teńgege deıin azaıdy.
Atap aıtqanda, engizilgen prokýrorlyq yqpal etý aktileriniń qaralý nátıjelerimen «Sý júıesi» MKK-niń - 45,2 mln., «Jolqurylys» JShS-niń -9,5 mln., «Qumkól Servıs» JShS-niń - 45,9 mln., «Araltuz» AQ-nyń - 12,2 mln., «Tasbulaq» JShS-niń - 12 mln., «Qyzylordajylýelektrortalyǵy» MKK-niń - 32,1 mln., «Syrdarııa munaı» AQ-nyń - 7,6 mln., «Orta Azııa kóligi» JShS-niń - 36,5 mln., «KÝTT» JShS-niń 35 mln. teńge jalaqy qaryzdary óteldi. Degenmen, ústimizdegi jylǵy shildeniń 1-degi jaǵdaı boıynsha oblystaǵy 12 kásiporynnyń 2667 jumysshysy aldyndaǵy jalpy qaryzdary 101,8 mln. teńgeni qurap otyr.
