Qyzylorda oblysynda 6 aqbóken atyp alǵan turǵyn qolǵa tústi
Oblystq polıtsııa departamentiniń jergilikti polıtsııa qyzmet basqarmasynyń Tabıǵat qorǵaý polıtsııa tobynyń ınspektorlary, Qyzylorda orman jáne janýarlar dúnıesin qorǵaý jónindegi memlekettik mekemesi jáne «Ohotzooprom» mekemesi qyzmetkerleri reıd júrgizgen bolatyn. Reıd barysynda «Qumkól» tas joly boıyndaǵy dalalyq jerde «Nissan Patrol» avtokóligi toqtatyldy. Tekserý barysynda júk salǵyshtan 6 aqbóken janýarynyń óli denesi tabyldy.
«Kúdikti retinde ustalǵan azamattan bir uńǵyly, 12-kalıbirli ańshy myltyǵy, atylmaǵan 12 kalıbrli 93 dana patron jáne ańshy pyshaǵy tárkilendi. Kúdikti ýaqytsha ustaý abaqtysyna qamaqqa alyndy. Bul derek boıynsha QR Qylmystyq Kodeksiniń 337-babynyń 4-bóliginiń 2-tarmaǵyna sáıkes sotqa deıingi tergep-tekserý amaldary júrgizilýde. Saraptamalar taǵaıyndaldy. Oqıǵanyń mán-jaıy anyqtalýda», - dep málim etti Qyzylorda oblystyq polıtsııa basqarmasynan.
Eske salsaq, Qyzylordada áleýmettik qyzmetker urlyq jasady.