Qyzylorda oblysynda 570 adam raqymshylyqqa iligip otyr
ASTANA. QazAqparat - Qyzylorda oblysynda 570 sottalýshy raqymshylyqqa iligip otyr, dep xabarlaıdy QazAqparat oblystyq prokýratýranyń resmı saıtta jarııalanǵan aqparatqa silteme jasap.
2016 jyly 14 jeltoqsanda kúshine engen QR Táýelsizdiginiń 25 jyldyǵyna baılanysty «Raqymshylyq týraly» Zańy 6 aıǵa deıin qoldanylady. Raqymshylyq qoldanýǵa jatatyn 574 sottalǵannyń qazirgi ýaqytta sotpen 10-y bosatyldy. Sonymen qatar, raqymshylyq zańy aıasynda 234 qylmystyq quqyqbuzýshylyqtar boıynsha sotqa deıińgi tergep-tekserý óndiristen qysqartyldy. Olardyń 118-i onsha aýyr emes, 32-i aýyrlyǵy ortasha qylmystardy, 84-i qylmystyq teris qylyqtardy quraǵan", - delingen xabarlamada.
Oblys prokýratýrasynyń baspasóz qyzmetiniń málim etkenindeı, vedomstvo óńirde túrme reformalary jobalaryn júzege asyrýǵa basa nazar aýdardy.
Túzeý mekemelerinde 12 óndiris oryndary, sonymen qatar, kirpish óndirý zaýyty ashyldy. ZK-169/5 memlekettik mekemesinde (qaýipsizdigi barynsha joǵary mekeme) «Erjas» JShS-men shaǵyn qysh shyǵarý tsehy ashylyp, 16 sottalǵan jumyspen qamtylǵan.
Sondaı-aq, 40 sottalǵandy jumyspen qamtý josparlanǵan osyndaı óndiris ornyn «Jalǵasov» JK-men iske qosylý satysynda, 40 sottalýshyny jumyspen qamtý josparlanýda. Jumyspen qamtý 75,2% qurady.
Jeńil jazaǵa aýystyrý týraly qaralǵan 300 ótinishtiń 244 qanaǵattandyrylyp, 81,3% qurady.
"Sottalǵandardyń ótelmegen jazalaryn aıyppulǵa aýystyrýdy keńinen qoldaný qamtamasyz etildi. Nátıjesinde, sotpen 92 sottalǵannyń ótelmegen jazalary aıyppulǵa aýystyrylyp, 24 500 110 teńge qurady. Probatsııalyq baqylaýda turǵan sotty bolǵandarǵa áleýmettik-quqyqtyq kórsetý boıynsha jumystar júrgizilip, 360-y jumysqa ornalastyrylyp, kvota boıynsha jumys ornyn 31-den 50-ge kóbeıtýge qol jetkizildi", - dep jazady vedomstvonyń baspasóz qyzmeti.
Úılestirý sharalarymen oblys ortalyǵynda jaza óteý oryndarynan bosatylǵandarǵa arnalǵan ońaltý jáne áleýmettik beıimdeý Ortalyǵy ashylyp, barlyǵy 134 adamǵa áleýmettik kómekter kómekter kórsetilip, onyń ishinde 39-y turaqty jumysqa ornalastyryldy.
