Qyzylorda oblysynda 53 bas kıikti atyp alǵan 3 adam qolǵa tústi
Qyzylorda oblysy Polıtsııa departamentiniń Uıymdasqan qylmysqa qarsy kúres basqarmasy jedel-izdestirý sharalaryn júrgizdi. Onyń barysynda joıylyp ketý qaýpi tónip turǵan kıik janýaryn zańsyz atyp, onyń múıizi men etin tasymaldap, saqtap, ótkizgen 3 turǵyn ustaldy.
«Olardyń turǵylyqty mekenjaıyn tekserý barysynda jol talǵamaıtyn eki avtokólik, 53 kıik ańynyń týshasy, 12 múıiz, 12 kalıbrli tirkelmegen ańshy myltyǵy men pyshaqtar aıǵaqzat retinde tárkilendi», - dedi Qyzylorda oblystyq Polıtsııa departamentinen.
Vedomstvo málimetinshe, atalǵan derek boıynsha QR Qylmystyq kodeksiniń 339-baby 3-bóliginiń 2-tarmaǵymen sotqa deıingi tergep-tekserý áreketteri júrgizilip jatyr. Úsh kúdikti ýaqytsha ustaý ızolıatoryna qamalyp, barlyq qajetti saraptamalar taǵaıyndaldy.
