Qyzylorda oblysynda 51 jastaǵy azamat kanaldaǵy sýǵa batyp ketti
QYZYLORDA. QazAqparat - Qyzylorda oblysy Shıeli aýdanynda 51 jastaǵy azamat kanalǵa sýǵa batyp ketti, dep habarlaıdy QazAqparat tilshisi.
Oqıǵa Shıeli aýdanyna qarasty N.Bekejanov atyndaǵy aýyl mańyndaǵy kanalda boldy. Qyzylorda qalasynda turatyn 51 jastaǵy azamat sol aýmaqta sýǵa batyp ketken.
«Máıit jergilikti ýaqytpen 18.20-da azamattyń sýǵa túsken ornynan eki metr qashyqtan tabylyp, jaǵaǵa shyǵaryldy», - dep málim etti Qyzylorda oblystyq Tótenshe jaǵdaılar departamenti órt sóndirý jáne avarııalyq-qutqarý qyzmetiniń ókilderi.
Budan buryn Syrdarııa ózeniniń ortasynda qalyp qoıǵan eki bala qutqarylǵany týraly jazyldy.
