Qyzylorda oblysynda 50534 adam revaktsınalaýdan ótti
Revaktsınatsııa úshin oblysta ekpe qory jetkilikti. Búgingi kúni «QazVac», «SinoVac», «Pfizer» preparattary qoldanylýda. Qyzylorda oblysynda revaktsınatsııa 106 ekpe kabınetinde júrgiziledi.
«Endi qyzylordalyqtar «Spýtnık Laıt» prperatymen revaktsınatsııa jasata alady. Aǵymdaǵy jyldyń 23 qańtarynda oblysqa reseılik bir komponentti preparattyń 8 myń dozasy jetkizildi. Revaktsınatsııa barlyq turǵynǵa qoljetimdi», - dep málim etti oblystyq Sanıtarııalyq-epıdemıologııalyq baqylaý departamentiniń baspasóz qyzmetinen.
Vedomstvo málimetinshe, býsterlik doza jóninen medıtsına qyzmetkerleri, muǵalimder men kúshtik qurylymdar qyzmetkerleri kósh bastap tur. Oblys kóleminde ımmýndaýdan keıin asqyný jaǵdaılary tirkelgen joq.
Eske salsaq, budan buryn Qyzylordada koronavırýs juqtyrǵandar arasynda bir jasqa deıingi náresteler sany basym ekenin habarlaǵan edik.
