Qyzylorda oblysynda 5 myń metr tereńdikten munaı burǵylaý qolǵa alynbaq
«QR Qaýipsizdik keńesiniń otyrysynda Qaýipsizdik keńesiniń tóraǵasy, Tuńǵysh Prezıdent - Elbasy Nursultan Nazarbaev Úkimet bastamasymen Qyzylorda oblysyn áleýmettik-ekonomıkalyq damytýdyń 2019-2022 jyldarǵa arnalǵan keshendi josparyn ázirleýdi tapsyrdy. Búginde keshendi jospar ázirlendi. Ol 119 sharadan quralyp, quny 219 mlrd teńge boldy. Onyń 156 mlrd teńgesi - respýbılkalyq bıýdjetten, 50,6 mlrd teńgesi - jergilikti bıýdjetten, qalǵan 12,4 mlrd teńgesi - basqa qarjy kózderinen bolmaq», - dedi ol.
Osy rette ol keshendi josparda qaralǵan naqty baǵyttarǵa toqtaldy.
«Búgingi kúni oblysta qoldanystaǵy munaı ken oryndary 50 paıyzǵa sarqylyp, munaı 1,5-2 myń metr tereńdikten ǵana alynyp jatyr. Sondyqtan joǵaryda atalǵan ken oryndarynda 5 myń metrden asa tereńdikte burǵylaýdy usynamyz. Ol úshin 11 mlrd teńgeni qajet etetin tıisti geologııalyq barlaý-zertteý júrgizý qajet», - dedi Q.Kósherbaev.
Oblys basshysy «Baıqońyr» kesheninde arnaıy ekonomıkalyq aımaq qurý jumystaryna da toqtaldy.
«Baıqońyr» Qazaqstan, sondaı-aq jalpy óńirdi ekonomıklyq ósirýdiń lokomotıvi bolmaq. Onda kópsalaly ónerkásip jáne ǵaryshtyq týrızm salalaryn damytýdyń arqasynda ınvestıtsııa aǵyny ulǵaıyp, jańa jumys oryndary qurylady dep kútilýde. Joba memleket basshysy jáne úkimetaralyq komıssııa tarapynan qoldaý tapty», - dedi óńir ákimi.
Otyrys barysynda QR Premer-mınıstri keshendi josparyn Mınıstrler kabınetiniń qabyldaýyna shyǵaryp, ol qoldaýǵa ıe boldy.
«Elbasy Qyzylorda oblysynyń keshendi damý josparyn ázirleý boıynsha tapsyrma bergen bolatyn. Oblystyń keshendi damý jospary osy aımaqtyń damýyna serpin beredi», - dep atap ótti Úkimet basshysy.
