Qyzylorda oblysynda 5 aı buryn ashylǵan provızorlyq statsıonar jabyldy
QAZALY. QazAqparat - Qyzylorda oblysy Qazaly aýdanaralyq aýrýhanasynyń juqpaly aýrýlar bóliminde sońǵy naýqas emdelip shyqty. Osylaısha bes aı buryn jumysyn bastaǵan provızorlyq statsıonar jabyldy, dep habarlaıdy QazAqparat tilshisi.
Qazaly aýdanyndaǵy 100 adamǵa arnalǵan ortalyq osydan 5 aı buryn ashyldy. Іndet órshigen kezde jergilikti dárigerler ýaqytpen sanaspaı eńbek etti.
«Sońǵy ýaqytta statsıonarǵa koronavırýs, pnevmonııa dertimen naýqastar kelip túsken joq. Búgin sońǵy naýqasty shyǵaryp, provızorlyq statsıonar jabyldy. Endi bul jerde dezınfektsııa jumystary júrgiziliedi. Odan keıin juqpaly aýrýlar bólimi halyqqa qalypty jaǵdaıda qyzmet kórsetetin bolady», - dedi Qazaly aýdanaralyq aýrýhanasynyń bas dárigeri Baqytgúl Álisheva.
Qazir aýdanda epıdemıologııalyq ahýal turaqtaldy. Dese de dárigerler qaýipsizdik sharalaryn saqtap, medıtsınalyq maska taǵýdy umytpaý qajettigin aıtady. Buǵan deıin aýdandaǵy Qazaly temirjol aýrýhanasyndaǵy provızorlyq statsıonar da jabylǵan bolatyn.
Sondaı-aq,Qyzylordada qalalyq aýrýhana qalypty jumysqa qaıta kóshti.
