Qyzylorda oblysynda 5,5 myń metrlik tereńdikten munaı izdeý júrgizilmek
«Úkimet ishki naryqqa munaı jetkizýdi yntalandyrý jáne jer qoınaýyn paıdalaný salasyndaǵy jańa jobalardy iske asyrý úshin jaǵdaılar jasaý jóninde is-sharalar qabyldaýda. Máselen, ótken jyldyń jeltoqsan aıynda «munaı ónimderiniń jekelegen túrleriniń óndirisi men aınalymyn memlekettik retteý týraly» zańǵa túzetýler qabyldandy. Bul túzetýler munaı ónimderin ótkizý kezinde ónimsiz deldaldardy joqqa shyǵarýdy kózdeıdi. Endi munaı óndirýshi uıymdar munaı óńdeý úshin munaı óńdeý zaýyttaryna derbes jetkize alady», - dep atap ótedi Úkimet basshysy jaýabynda.
Premer-mınıstr osy jyldyń sáýir aıynda benzın (AI-92 182 teńgeden 205 teńgege deıin) men dızel otynynyń (230 teńgeden 295 teńgege deıin) shekti bólshek saýda baǵasy ulǵaıtylǵanyn atap ótedi.
«Bul da ishki naryqqa munaı jetkizýdiń ekonomıkalyq tartymdylyǵyn arttyrady», - dedi ol.
Onyń atap ótýinshe, kómirsýtekterdi barlaý men óndirýge ınvestorlardy tartý úshin retteýshi jáne fıskaldyq preferentsııalardyń keń spektrin kózdeıtin jaqsartylǵan modeldik kelisimshart zańnamamen engizildi. «Gaz jáne gazben jabdyqtaý týraly» Zańǵa jer qoınaýyn paıdalanýshylardan gaz satyp alý baǵasynyń jańa formýlasyn engizý boıynsha túzetýler engizildi. Oǵan sáıkes baǵa eksporttyq (70%) jáne ishki (30%) baǵalar negizinde qalyptastyrylatyn bolady.
«Qyzylorda oblysynyń shıkizat bazasyn molyqtyrý maqsatynda «QazMunaıGaz» AQ perspektıvaly Torǵaı paleozoı ýchaskesinde (resýrsy shamamen 400 mln tonna munaı) tereńdigi 5,5 myń metr izdeý uńǵymasyn burǵylaýdy josparlady. Aqsaı ıÝjnyı ken ornyn ónerkásiptik paıdalanýǵa engizý (shıki gaz óndirý kólemi jylyna shamamen 100 mln tekshe metr) júzege asyryldy. Shyǵys jáne Ortalyq kerýen jer qoınaýy ýchaskeleri boıynsha aýktsıon arqyly (geologııalyq barlaýǵa ınvestıtsııalar shamamen 1,8 mlrd teńge) jeńimpazdar anyqtaldy. Osy is-sharalardyń barlyǵy óńirdiń munaı-gaz sektoryn damytýǵa qosymsha serpin beredi, sondaı-aq halyqty jumyspen qamtýǵa múmkindik beredi», - dedi Álıhan Smaıylov.
