Qyzylorda oblysynda 45 myń gektar jer aýyl sharýashylyǵy aınalymyna engizildi
ASTANA. QazAqparat - Qyzylorda oblysynda 45 myń gektar jer aýyl sharýashylyǵy aınalymyna qosyldy. Bul týraly Qyzylorda oblysynyń jer qatynastary basqarmasynyń bıylǵy jylǵy 9 aıdaǵy jumys qorytyndysynda baıandaldy. Jyl basynan beri jer ýchaskelerin rásimdeýge barlyǵy 88 ótinish kelip túsip, Qazaqstan Respýblıkasynyń jer zańnamalaryna sáıkes tıisti sharalar atqaryldy, dep habarlaıdy Qyzylorda oblysy ákimdiginiń baspasóz qyzmeti.
Bekitilgen jobalar negizinde oblys ákimdiginiń 24 qaýlysy qabyldanyp, jalpy kólemi 36235,41 myń gektardy quraıtyn jer ýchaskeleri múddeli tulǵalardyń paıdalanýyna berildi. Sondaı-aq, basqarma quzyreti sheginde jer ýchaskelerin jalǵa berý týraly barlyǵy 59 shart jasaldy.
2012-2016 jyldary memlekettiń bos jatqan jerlerinen jalpy kólemi 373,2 myń gektardy quraıtyn 1494 jer telimderi saýda-sattyq (aýktsıon, konkýrs) jolymen jáne memlekettik baǵdarlamalar negizinde aýyl sharýashylyǵy aınalymyna qaıta qosyldy.
Al osy jyly 80 myń gektar jerdi aınalymǵa qosý josparlanyp, búginde 45,5 myń gektar bolatyn 218 jer ýchaskesi aýyl sharýashylyǵy aınalymyna engizildi.
