Qyzylorda oblysynda 45-46 gradýsqa deıin aptap ystyq bolady
QYZYLORDA. QazAqparat - Qyzylorda oblysynda aldaǵy aptada aptap ystyq bolady degen boljam bar. Keı jerlerde 45-46 gradýsqa deıin kóteriledi, dep habarlaıdy QazAqparat tilshisi.
Bul jóninde «Qazgıdromet» mekemesiniń mamandary málim etti.
Olardyń aıtýynsha, óńirde aptap ystyq 27 maýsymnan beri baıqalyp otyr.
Kúndizgi temperatýra 39-44 gradýsty kórsetse, ol túnge qaraı 25-30 gradýs şamasynda.
«Ol ońtústikten kelgen jyly aýa massasynyń áserinen bolyp otyr. Aýa raıynyń mundaı qubylysy aldaǵy bir apta kóleminde saqtalady dep kútilýde. Ol keı jerlerde 45-46 gradýsqa deıin jetedi dep kútilýde. Óte joǵary órt qaýpi bar», - deqdi «Qazgıdromet» RMK Qyzylorda oblysy boıynsha fılıalynyń bólim basshysy Áıgerim Júkeleva.
Osy oraıda dárigerler azamattardan barlyq saqtyq sharalaryna nazar aýdarýdy suraıdy.
«Aptap ystyqta adamdarda bas aınalý, álsizdik, enjarlyq baıqalady. Keı jaǵdaıda murynnan qan ketý jaǵdaıy kórinis beredi. Qan qysymy kóterilip ketýi múmkin. Osyndaı sátterde ózderin jaısyz sezingen, júrek-qan tamyry aýrýymen syrqattanatyn adamdap dalaǵa shyqpaǵany durys», - dedi oblystyq salaýatty ómir saltyn qalyptastyrý ortalyǵynyń dárigeri Tolqyn Muhambet.
Eske salsaq, dál osyndaı jaǵdaı eki jyl buryn tirkelgen edi.
2019 jyldyń maýsym aıynyń sońǵy eki kúni men shilde aıynyń basynda Qyzylorda oblysynyń basym bóliginde aýa temperatýrasy 44-47 gradýsqa deıin jetken edi.
