Qyzylorda oblysynda 42 jastaǵy adam sýǵa batyp ketti
Atalmysh oqıǵa Jańaqorǵan aýdany aýmaǵyndaǵy kanaldyń birinde oryn alǵan. Kanaldyń jaǵasyna keshkilik mezgilde demalýǵa úsh adam barǵan.
«Olardyń ekeýi uıyqtap qalǵan. Úshinshisi qaıda ketkenin bilmeıdi. Tańerteń jergilikti turǵyndardyń kúshimen sýǵa ketken adamnyń jansyz denesi tabyldy. Qazir ol boıynsha tergeý amaldary júrgizilýde. Azamattar kóp jaǵdaıda sý jaǵasynda ishimdik ishedi. Sondaı-aq, balalaryn qaraýsyz qaldyrǵan ata-analar jıi kezdesedi. Sondyqtan turǵyndardyń saqtyq sharalaryna nazar aýdarýyn suraımyz», - deıdi Qyzylorda oblystyq jumyldyrý daıyndyǵy basqarmasy basshysynyń orynbasary Ǵabıt Jańabaev.
Búgingi kúnge deıin Qyzylorda oblysynda 21 adam sýǵa ketken. Olardyń segizi bala. Qazirgi kúnge deıin Qyzylorda qalasynda – 8, Jańaqorǵanda – 4, Aralda – 3, Qazalyda – 2, Baıqońyrda – 2, Shıeli men Syrdarııada 1 adam tilsiz jaýdyń qurbany boldy.
Byltyr Qyzylordada oblysynda dál osy ýaqytta 22 adam sýǵa ketip kóz jumǵan edi.