Qyzylorda oblysynda 4 jastaǵy sábı koronavırýs juqtyrdy
Sońǵy táýlikte Qyzylorda oblysynda koronavırýs ınfektsııasyn juqtyrǵan 31 adam tirkeldi.
Olardyń 11-i ‒ Qyzylorda qalasynda tursa, 17-i ‒ Aral, 3-i ‒Jańaqorǵan aýdandarynyń turǵyndary.
«Olardyń arasynda eń úlkeni -1939 jylǵy áıel bolsa, eń kishisi - 2016 jyly týǵan qyz bala. PTR analızi 28 adamnan aýrý juqtyrǵan naýqaspen qarym-qatynasta bolýyna baılanysty alynǵan. Al 2 adamnan QR Bas memlekettik sanıtarlyq dárigeriniń qaýlysyna sáıkes skrınıngteý kezinde tabylsa, 1 adamnan Atyraý qalasynan kelýine baılanysty tekserýden ótkizildi. Zertteý qorytyndysy naýqastardyń koronavırýs ınfektsııasyn juqtyrǵanyn kórsetti. Qazirgi tańda patsıentter aýrýhanaǵa oqshaýlandyrylyp, hattamaǵa sáıkes em qabyldap jatyr. Aýrý oshaqtarynda mamandar indetke qarsy is-sharalar uıymdastyryp, qarym-qatynasta bolǵandar anyqtalýda», - dep málim etti Qyzylorda oblystyq taýarlar, qyzmetterdiń sapasy men qaýipsizdigin baqylaý departamentiniń baspasóz qyzmeti.
Qazir Qyzylorda oblysynda koronavırýs ınfektsııasyn juqtyrǵan 402 adam tirkelgen.
Olardyń arasynan 245 adam syrqatynan jazylyp shyqty.
Sondaı-aq, búginnen bastap Qyzylorda oblysynda karantın talaptary jeńildetildi.