Qyzylorda oblysynda 4 taýar naryǵyna taldaý jasaldy

QYZYLORDA. QazAqparat - Aımaqta jyl basynan beri tórt taýar naryǵyna taldaý jasalǵan. Onyń ekeýi - agroónerkásip kesheni, bireýi – qurylys bolsa, sońǵysy - ózge sala, dep habarlaıdy QazAqparat.

Bul týraly óńirlik kommýnıkatsııalar qyzmetiniń aqparat alańynda ótken brıfıngte Básekelestikti qorǵaý jáne damytý agenttiginiń Qyzylorda oblysy boıynsha departamentiniń basshysy Ersin Orynbaev málimdedi.

- Departament qyzmetkerleri jeke kásipkerlik sýbektileriniń joqtyǵy týraly qorytyndysyn berý boıynsha memlekettik organdardyń 12 ótinish hatyn qarady. Onyń ishinde 11 taýar naryǵynda jeke kásipkerlik sýbektileri anyqtalmaǵany, al bireýiniń rastylyǵy týraly qorytyndy berildi. Búginde QR Kásipkerlik kodeksiniń 169, 174, 194 baptaryna sáıkes básekelestikti qorǵaý salasyndaǵy zańbuzýshylyq deregi boıynsha jergilikti memlekettik organdar men naryq sýbektileriniń is-áreketine qatysty 4 tergeý júrip jatyr. Básekelestikti qorǵaý salasyndaǵy zańbuzýshylyq derekteri boıynsha 1 nusqama shyǵaryldy,-dedi Ersin Seıithanuly.

Onyń aıtýynsha, departament memorgandar men naryq sýbektilerine QR Kásipkerlik kodeksiniń 199-babyna sáıkes QR básekelestikti qorǵaý salasyndaǵy zańnamany buzý belgileriniń bar ekeni týraly 34 habarlama shyǵaryp, barlyǵy oryndalǵan.