Qyzylorda oblysynda 37 jastaǵy azamat eki aıdan beri tabylmaı jatyr

QYZYLORDA. QazAqparat - Qyzylorda oblysy Jańaqorǵan aýdanynda 37 jastaǵy azamat eki aıdan beri izdestirilip jatyr, dep habarlaıdy QazAqparat tilshisi.

Jańaqorǵan kentinde turatyn Ábýov Tursynjan Ertaıuly 2021 jyldyń 4 qarashasynda úıinen belgisiz baǵytqa shyǵyp ketken. Sodan beri habar-osharsyz.

«T. Ábýov Túrkistan oblysy Kentaý qalasynda 1985 jyly dúnıege kelgen. Ústine qara tústi qystyq kýrtka, qara qalpaq, kók tústi djınsı shalbar, qara tústi qystyq aıaq kıim kıgen.

Joǵalǵan azamat jóninde qandaı da bir aqparat anyqtalǵan jaǵdaıda Jańaqorǵan aýdandyq polıtsııa bóliminiń kezekshi bólimine 24-1-58 telefon nómiri arqyly nemese 102 arnasyna shuǵyl habarlasýdy suraımyz», - dep málim etti Jańaqorǵan aýdanynyń polıtsııa bóliminen.

Eske salsaq, budan buryn Qyzylordada jeltoqsan aıynda joǵalǵan 16 jastaǵy qyz aqpanda elordadan tabylǵanyn jazǵan edik.