Qyzylorda oblysynda 366 medıtsına qyzmetkerine 54,3 mln teńge tólendi

Sol ýaqyttan beri koronavırýs ınfektsııasyn juqtyrǵan adamdardyń densaýlyǵyn saqtaý jolynda belsendi qyzmet atqaryp keledi, dep habarlaıdy QazAqparat tilshisi.

«Oblysta 28 naýryz kúni atalǵan ınfektsııa juqtyrǵan alǵashqy naýqas tirkeldi. Sol ýaqytta jumys ornymda kezekshi edim. Sol kúni alǵashqy naýqas tústi. Aýrýhanadaǵy barlyq medıtsına qyzmetkerleri kúsheıtilgen jumys túrine kóshirildi. Biz aýrýhanada qalyp jumys isteıtin boldyq. Basty maqsatymyz - halyqtyń, sonyń ishinde aınaladaǵy azamattardyń densaýlyǵy saqtaý. Sodan beri búgin 17 táýlik, ótti. Alǵashqy naýqas jazylyp, otbasyna oralyp jatyr. Al, bizdiń taǵy bir jańalyǵymyz naýryz aıynyń da jalaqysy qolymyzǵa tıdi. Maǵan 250 myńnan artyq qarjy túskendigi týraly habarlama keldi. Eń bastysy, indettiń oshaǵyn óshirip, naýqastarymyzdyń qulan taza aıyǵýyn tileımiz», - dedi Sáýle Ádilbekqyzy.

Sáýle Ádilbekqyzynyń 32 jyldyń eńbek ótili bar. Otbasynda 3 bala tárbıelep, búginde 5 nemere súıip otyr.

Qyzylorda oblystyq óńirlik kommýnıkatsııalar qyzmeti taratqan málimetke súıensek, epıdemııaǵa qarsy is-sharalarǵa tartylǵan densaýlyq saqtaý uıymdary jumyskerlerin qarjylyq qoldaý uıymdastyryldy. Aldymen birinshi táýekel tobyna jatatyn ınfektsııalyq statsıonardaǵy barlyǵy 33 adamǵa qosymsha 5,1, ekinshi táýekel tobyna jatatyn provızorlyq statsıonardaǵy barlyǵy 177 adamǵa qosymsha 36,4 mln teńge beriledi. Al úshinshi táýekel tobyna jatatyn karantındi statsıonardaǵy 156 qyzmetker qosymsha 12,9 mln teńge alady. Barlyǵy 366 medıtsınalyq qyzmetkerge 54,3 mln. teńge tólendi.

Qyzylorda oblysynda atalǵan dıagonoz qoıylǵan 119 naýqas bar.