Qyzylorda oblysynda 350-ge jýyq mal urlyǵyna qatysy bar 36 adam ustaldy
Bıylǵy tórt aıda Qyzylorda oblysynda 159 mal urlyǵy tirkelgen. 2018 jyly 220 qylmys anyqtalǵan bolatyn. Bıyl aýyr qylmystar sany artqan. Byltyr olardyń sany beseý bolsa, bıyl 16 derek tirkeldi. Jyl basynan beri 339 mal urlanǵan. Olardyń nebári 117-i tabylyp, ıelerine qaıtarylǵan.
Qyzylorda oblysy Polıtsııa departamentiniń krımınaldyq polıtsııa basqarmasy mal urlyǵyn jasaǵan 36 adamdy qolǵa túsirdi. Olardyń 339 qylmys jasaǵany dáleldenip otyr. Taldaýǵa sáıkes 65% jaǵdaıda mal erkin jaıylymnan, al qalǵan 35 paıyzynda aýladan jáne qoralardan urlanǵan.
«Sońǵy kezderi óriste júrgen maldardy soıyp alyp ketý derekteri oryn alýda. Barlyǵy 31 fakti anyqtaldy. Qaraýsyz jaıylyp júrgen maldy soıyp alyp ketý boıynsha Qyzylorda qalasy men Shıeli aýdanynda - 7-den, Jańaqorǵanda - 10, Qarmaqshyda - 4, Jalaǵashta - 2, Aral aýdanynda 1 qylmys jasaldy», - dep málim etti Qyzylorda oblystyq Polıtsııa departamentiniń baspasóz qyzmetinen.