Qyzylorda oblysynda 34,1 myń jasóspirim koronavırýsqa qarsy egildi
QYZYLORDA. QazAqparat - Qyzylorda oblysynda 38 myńnan astam adam «Pfizer» vaktsınasynyń birinshi komponentin saldyrdy, dep habarlaıdy QazAqparat tilshisi.
Qazirge deıin óńirde barlyǵy 38 746 adam «Pfizer» vaktsınasynyń birinshi komponentin saldyrdy. Bul - tıisti kontıngenttiń 38,9 paıyzy. Olardyń 16,2 paıyzy eki komponentin aldy.
Onyń ishinde 34 102 jasóspirim, 1908 júkti áıel, 3530 emizýli ana qamtyldy.
«Búginge deıin atalǵan vaktsınany saldyrǵandar arasynda 12-17 jas aralyǵyndaǵy jasóspirimder sany basym. Olardyń 20,4 paıyzy eki komponetin de alyp úlgerdi. Al júkti áıelder arasynda birinshi komponentpen - 8,4, laktatsııa kezeńindegi áıelder arasynda 8,3 paıyzdy shamalaıdy», - dep málim etti Qyzylorda oblystyq Sanıtarııalyq-epıdemıologııalyq baqylaý departamentinen.
Eske salsaq, Qyzylorda oblysynda 87 myńnan astam adam revaktsınatsııadan ótti.
