Qyzylorda oblysynda 33 adamdy kene shaqqan
QYZYLORDA. QazAqparat - Qyzylorda oblysynda búgingi kúnge deıin 33 adamdy kene shaqqan. Ótken jylmen salystyrǵanda ol 2 esega artqan, dep habarlaıdy QazAqparat tilshisi.
Oblystyq Qoǵamdyq densaýlyq saqtaý departamenti mamandary 6 myńnan astam kenege zerthanalyq tekserý jasaǵan. Zertteý negizinde seropozıtıvti keneler anyqtalǵan.
«Byltyr dál osy ýaqytta 14 adamdy kene shaǵý jaǵdaıy tirkelgen. Ol bıyl 33 adamǵa jetti. ıAǵnı, kórsetkish 2,3 esege jýyq artty. Bul kórsetkish oblys boıynsha epıdemıologııalyq ahýaldyń kúrdeli ekendigin kórsetedi. Jergilikti turǵyndar saqtyqty umytpaýy kerek. Bıyl 30 naýryzda Kongo-Qyrym gemorragııalyq qandy bezgegi aýrýy kúdigimen Jańaqorǵan aýdany, Ekpindi aýylynda bir jaǵdaı tirkelgen edi. Naýqas oblystyq juqpaly aýrýlar aýrýhanasyna jatqyzyldy. Bul baǵytta tıisti tekserý jumystary júrgizildi. Degenmen atalmysh dıagnoz rastalmady», - dedi oblystyq Qoǵamdyq densaýlyq saqtaý departamenti basshysynyń orynbasary Álııa Ábdiqaıymova.
Sońǵy jyldarda kenege baılanysty qolaısyz eldi mekender sany artyp ketken. Bıyl olardyń sany 123 eldi meken boldy. Buryn mundaı aýyldar oblystyń ońtústigindegi Jańaqorǵan, Shıeli aýdandarynda kórinis berse, qazir ol barlyq aýdanda baıqalady.
Búgingi kúnderi Jańaqorǵan, Shıeli aýdandarynda kenege qarsy óńdeý, zalalsyzdandyrý sharalary qolǵa alyna bastady. Bul baǵytta óz deńgeıinde jumystar jasalady dep josparlanyp otyr.
